குறிப்புக்கள் - (Notes)
வேறுபாடுகள் - (Pathanthara)
⁵ - த₃யகு நே - த₃யகுனு நே
⁶ - த்யாக₃ராஜுனிகிங்க - த்யாக₃ராஜுனிங்க
Top

மேற்கோள்கள்
² - நா ஜீவுடு₃ ஜீவனமிந்து₃ ஸேயனாயெ - எனது ஜீவன் இங்கு வாழ நேர்ந்தது - 'எனது ஜீவன்' என்ற சொற்கள் முரண்பாடாகத் தோன்றுகின்றது. மெய்ந்நெறி செல்வோருக்கு ஏற்படும் இடைஞ்சல்கள் குறித்து ஆதி சங்கரர் இயற்றிய 'அபரோக்ஷ அனுபூதி' (நேரிடை உணர்வு) என்ற நூலில் காணலாம்.

"சமாதி நிலையைப் பயிலுகையில், தவிர்க்க இயலாத பல இடைஞ்சல்கள் ஏற்படுகின்றன. அவையாவன - ஆராய்ச்சியில் குறைவு, சோம்பல், புலன் நுகர்ச்சிக்கு இச்சை, உறக்கம், மந்தம், தடுமாற்றம், இன்பங்களை நுகர்தல், சூன்னிய உணர்ச்சி. பரம்பொருளினை அறிய விரும்புவோர் இவ்வித இடைஞ்சல்களை மெதுவாகக் களைந்திடல் வேண்டும்." (127-128) (ஸ்வாமி விமுக்தாநந்தாவின் ஆங்கில மொழி பெயர்ப்பின் தமிழாக்கம்)

³ - நீவு நேனையுண்ட₃ - நான் நீயாகியிருக்க - நானே அவன் - அவனே நான் : 'அஹம் ப்₃ரஹ்மாஸ்மி' - 'ப்₃ரஹ்மைவாஹம்' எனும் மகா வாக்கியங்கள். ஆதி சங்கரர் இயற்றிய 'அபரோக்ஷ அனுபூதி' (நேரிடை உணர்வு) என்ற நூலினை நோக்கவும்.
Top

விளக்கம்
¹ - த₃ந்த₃னலதோ - தந்திரங்களுடன் - இஃது தியாகராஜரைக் குறிக்குமா அல்லது இறைவனைக் குறிக்குமா என்று தெரியவில்லை. வழிவழியாக இச்சொல் இறைவனைக் குறிப்பதாக புத்தகங்களில் கூறப்பட்டுள்ளது.

⁴ - வென்னவண்டி - வெண்ணெய் நிகர் - சிறிது சூடாக்கினாலும் வெண்ணெய் கரைய ஆரம்பிக்கும். அப்படிப்பட்ட உள்ளத்தினை இறைவன் கொண்டிருந்தும் அவன் மனம் கரையவில்லை என்கின்றார்.

மூவர் - அரி, அரன், பிரமன்
Top